Overblog Suivre ce blog
Editer l'article Administration Créer mon blog
السلام عليكم ورحمة الله تعالى وبركاته


فكوكوط نوضعو اللحم لقياس الكافي  2 مطيشات مقطعين على 4 بصلة مقطعة مربعات ربيع مقطع او مربوط ملح ابزار سكين جبير خرقوم زعفران نص كاس مخلط زيت بلدية ورومية نوضعو الكل فوق النار مين يتقلى اللحم 
 نمرق بالماء غليان (لتر ونصف الماء) نضيف الخضر خيزو مكور اللفت حمص فول
  مين تبدا تصفر لكوكوط نحسب ليها نصف ساعة 
ثم نضيف الخضرة الثانية القرعة الحمرا و الخضرا  بطاطا دنجال مطيشة لحك قياس معلقة كبيرة نسد على الكل يطيبو
بالنسبة لكسكسو استعلمت كسكس خماسي المتكون من دقيق القمح الشعير السميد الذرة الدقيق 
فقصعة نوضعو كسكسو قياس عدد الاشخاص ( كاس لكل فرد ) نكبو عليه الماء ندوز عليه يدينا ونصفيوه 
 نضيف ليه شوية الزيت ندوزو عليه يدينا مرة ثانية ونخليوه ينشف اما الا ستعملتو كسكسو ثريا هاداك ما يحتاجش تكبو عليه الماء غي ترشوه حتا يبان ليكم فزك نفس العملية ضيفو ليه شوية الزيت وخليوه ينشف
 هنا مين نشف لينا 
 نفكوه بيدينا
 نوضعوه فكسكاس يفورمين يبدا يطلعو البخار بكثافة نعرفوه صافي تفور 
 نوضعو لكسكاس فوق شي سوبيرة ندوزو عليه يد المعلقة (باش يدخلو الما) 
 نكبو عليه ربع لتر  الماء نخليه يتسقطر
 من بعد نوضعوه فقصعة نضيف ليه شوية الملح شوية زيت لعود 
 ونفكوه بيدينا
 نوضعوه يفور للمرة الثانية و الاخيرة نوضعو فوقو فلفلة تطلق غي النسمة اللي متيقدرش على الحار اما اللي تيعجبو يمكن ليه يضيفها مع المرق 
 هنا لمريقة مين وجدات وعقدات
 هنا كسكسو مين تفور
نوضعو كسكسو فقصعة نسقيوه بشوية المرق 
 نوضعو فوقو لخضرة ونوضعو اللحيمات الوسط او منساوش لفليفلة نوضعوها لفوق 
ثم يقدم مع المرق و اللبن 
 بصحتكم او راحتكم


Published by mouna ben

Partager cet article

Repost 0
Pour être informé des derniers articles, inscrivez vous :

commentaires

motherdouae.overblog.com

motherdouae.overblog.com

"motherdouae"

Articles récents

Hébergé par Overblog