ماضلين بلكرموس اليابس

20/06/2013 12:39

السلام عليكم ورحمة الله تعالى وبركاته

مقادير 6 ماضلين
حاجتنا بيضة معلقة صغيرة ماء الزهر معلقة صغيرة خمارة الحلوة ربع كاس الزيت نص كاس سنيدة نص كاس الحليب كاس وربع الدقيق معلقة كبيرة كاوبيل كرموس يابس مقطع يمكن ليكم تعوضوه بالثمر او الزبيب

نخلط البيض سنيدة الزيت حليب ماء الزهر ثم نضيف في الاخيرة الخمارة مع الدقيق و كاوبيل

نوزع الخليط فكريغطات الماضلين نوضعو من فوق طريفات الكرموس ونضغطو عليهم بصبعنا ينزلو فالعجين
ندخلوهم لفرن يكون سخون من قبل نقصو عليهم لعافية

ثم نقدمهم

هذا شكلهم من الداخل نتمنى تجربوهم تيجيو لذاذ

بالصحة و الراحة