Overblog Suivre ce blog
Editer l'article Administration Créer mon blog
السلام عليكم ورحمة الله تعالى وبركاته
حاجتنا 2 معالق كبار الزبدة ساشي فاني شوية لملح معلقة كبيرة ونص سنيدة
نوضعو الزبدة فكاسرول فوق النار تذوب نضيف ليها سنيدة لملح ساشي فاني 
ثم نضيف 2 كيسان الماء 
نقصو عليهم العافية حتى يغليو 
 نحيدو لكاسرول من فوق النار ونضيف 2 كيسان فورص مرة وحدة ونحرك بمعلقة خشبية بسرعة 
ونرجعو لكاسرول فوق النار مع التحراك حتى ينشف الدقيق ونحصلو على كرة ديما تكون العافية مهيلة 
من بعد نحيدو لكاسرول من فوق لعافية  نخليوها 5 دقايق 
 حاجتنا 3 بيضات 
 نضيف البيضة الاولى ونطربوها مزيان بلباطور ثم الثانية وحنا تنطربو 
 البيضة 3  نطربوها بلفوشيط كيفما لاحظتو البيض يكون كبير شوية 
 في الاخير غادين نحصلو على خليط مثل هاذ الشكل 
 نوضعوه فجيب حلواني ونبدو نشكلو وريدات وديما مين نبغيو نقطعو لعجينة نرفعو يدينا لفوق باش يجي بحال منقار كيفما موضح فالصورة ( طاوة تكون مفرشة بورق سولفغيزي او ورق المنيوم مدهون بالزبدة مرشوش بالدقيق)
 ندخلوهم لفران يكون سخون من قبل من بعد نقصو عليهم لعافية تكون حرارة معتدلة منحلوش عليهم لفران حتى يديرو ثلث ساعة نقصو عليهم شوية لعافية ونخليوهم يكملو طيابهم ويديرو عوتاني ثلث ساعة ونقلل لعافية مين يطيبو نحلو عليهم لفران ونخليوهم وسطو حتى يبردو وهذا هو  سر عجينة الشو باش متتهبطش
  هذا شكلهم مين طابو
 هذا شكلهم من الداخل
 الحشو استعملت لكريم فريش مطربة قسمتها على 2 النصف ضفت ليه كونفتير فريز مع شوية ملون احمر قطيرات نكهة فريز و الثاني ضفت ليه شوية كاكاو مع شوية كركاع و اللوز مهرمشين
نفتحهم من الجانب ونعمروهم  بلكريمة  نغبرهم بالسكر الصقيل 
ونقدمهم فطبق 
بالصحة و الراحة

Published by mouna ben

commentaires

motherdouae.overblog.com

motherdouae.overblog.com

"motherdouae"

Articles récents

Hébergé par Overblog