Overblog Suivre ce blog
Editer l'article Administration Créer mon blog
السلام عليكم ورحمة الله تعالى وبركاته

حاجتنا 3كيسان عنبة فورص بيضة 2معالق كبار الزيت شوية ملح 2 معالق كبار سنيدة معلقة صغيرة الزبدة 2 معالق كبار نيدو خميرة الخبز مذوبة فشوية الحليب الماء الدافي لجمع العجين 
 ندلكوها مزيان
 نغطيو عليها بلبلاستيك الغذائي مدة ربع ساعة
 ثم نشكلوها كرات نوليو نغطيو عليهم مرة ثانية  يرتاحو مزيان 
الشكل الاول نحتاجو ليه 5 كراة نطلق الكرة الاولى بشوية الزيت ندهنوها من فوق بشوية الزبدة مخلطة مع الزيت نوضعوها على جنب 
 نفس الطريقة للكرة الثانية نوضعوها فوق الاولى ندهنوها من فوق بشوية الزبدة مخلطة مع الزيت نفس العملية حتى نكملو لخمس كراة 
نبسطوهم بيدينا من بعدنقطعوهم مثلثاث نضع فكل مثلث شوية موطارد
ثم شريحة فروماج وشوية الزيتون مقطع رقيق 
نلوي كل مثلث مثل الموضح فالصورة 
حتى نحصل على هذا الشكل نفس الطريقة لباقي المثلثاث 
بالنسبة للكراة اللي بقاو نطلقو الكرة الاولى بشوية الزيت حتى تولي رقيقة 
 ثم نطويها على 4 بين كل طوية نرشو الزبدة مخلطة مع الزيت نفس الطريقة لباقي الكراة نوضعوهم فبلاطو نغطيو عليهم يرتاحو
 نطلق الرغيفة ندهنها من فوق بشوية الزبدة مخلطة مع الزيت 
 نقسمها على 2
 ثم نلويها 
 نوضعوهم فطاوة مدهونة بالزبدة مرشوشة بالدقيق نغطيو عليهم يخمرو 
 ثم ندهنوهم بالبيض مخلط مع نيسكافي وشوية الحليب ندخلوهم لفرن
ثم نقدمهم
 الشكل الاول 
 هنا مين طاب الشكل الثاني وبرد نعمروه باش ما بغينا بحشوة مالحة او حلوة انا ختاريت نعمرهم بكريمة البرتقال طريقة تحضيرها مثل الموجودة في هذا الرابط عوض الحليب استعملت عصير البرتقال http://oumdouae.blogspot.com/2013/07/blog-
post_11.html
ندهنهم من فوق بشوية العسل نحك فوقهم الشكلاط نغبرهم بالسكر الصقيل 
 ونقدمهم 
بالصحة و الراحة

Published by mouna ben

Partager cet article

Repost 0
Pour être informé des derniers articles, inscrivez vous :

commentaires

mouna ben 18/07/2013 14:51

بارك الله فيك اختي نادية الى ماكانش نيدو ديما عوضيه بالحليب السائل
مشكورة اختي بالصحة و الراحة

Anonymous 18/07/2013 05:50

rezala tebarekelah 3elik mouna 3andi wa7d soweal wache ye mekelna ne seta3emelo el heliyeb 3adi 3iwad nido
wachokeran ana om ramzi y riad

motherdouae.overblog.com

motherdouae.overblog.com

"motherdouae"

Articles récents

Hébergé par Overblog