Overblog Suivre ce blog
Editer l'article Administration Créer mon blog
السلام عليكم ورحمة الله تعالى وبركاته


اولا غادين نغسلو خيزو ونقشروه لقياس اللي بغينا نضيف ليه الماء نسدو عليه يتصلق 
 من بعد نديروه يتسقطر ونحتافظو بالماء ديالو مين يبرد نسرحوه فبلاطو ندخلوه لمجمد يجمد مزيان
 من بعد نجمعوه فبلاستيكة ندخلوه المجمد
 لخوخ و الشهدية منقيين و مقطعين نفس العملية 
يمكن ليكم ضيفو لمشماش
 مين يجمدو نوضعوهم فبلاستيكة 
 ندخلوهم المجمد
 حاجتنا 10 برتقالات منقيين محيدة ليهم لبابة باش مطلقش لمرورة  قشرة 3 ليمونات بلا منوصلو اللبابة لتر الا ربع الماء خيزو اللي حتافظنا به قبل نوضعو لكل فكوكوط نوضعوه فوق النار مين تبدا تصفر نحسبو ساعة اللا ربع 
 مين يطيب الليمون نضيفو ليه 4 كيسان سنيدة مين يبرد نطحنوه فمولينكس 
 نصفيوه فصفاية
 نوضعو فكل بلاستيكة كاس من الخليط  ونحتافظو بيهم فالمجمد لوقت اللي نبغيو نوجدو لعصير ديالنا نوجدوه فوقت سريع 
 لتحضير عصير بالمكونات اللي وجدنا قبل غادين ناخدو كاس من عقدة البرتقال شوية خيزو شوية خوخ 2 تفاحات منقيين مقطعين يمكن ليكم ضيفو اي فاكهة متوفرة عندكم نوضعو الكل فالخلاط نضيف ليهم نصف لتر الماء (كل واحد ولقياس ديالو الماء واش يبغيه جاري او خاتر) بلا منضيف السكر فالاول حتى نذوقوه من بعد حيت فيه سنيدة قبل 
 ثم يقدم 
 بالنسبة للحامض نفس الطريقة اللي استعملت فالبرتقال نضيف كذلك لتر اللا ربع  ماء الصلق خيزو
 هنا وضعت نصف كاس عقدة الحامض فكل بلاستيكة و استعملت كذلك قوالب الماضلين لتجميد العقدة
 لتحضير عصير بعقدة الحامض نحتاجو نصف كاس عقدة الحامض 2 تفاحات منقيين مقطعين يمكن ليكم تستعملو اي فاكهة متوفرة فالبيت نضيف الكل فالخلاط ثم نضيف لقياس الماء
 وها لعصير ديالنا واجد 
بصحتكم او راحتكم 

Published by mouna ben

Partager cet article

Repost 0
Pour être informé des derniers articles, inscrivez vous :

commentaires

motherdouae.overblog.com

motherdouae.overblog.com

"motherdouae"

Articles récents

Hébergé par Overblog