Overblog Suivre ce blog
Editer l'article Administration Créer mon blog
السلام عليكم ورحمة الله تعالى وبركاته
حاجتنا رابعة الزبدة لذة صفر بيضة كاس السكر الصقيل ساشي فاني ساشي نيدو 
الدقيق حسب الخليط
نطلقو العجين بين 2 بلاستيكات وتقطع بمرشم حسب الرغبة نستفو الصابلي فطاوة ندخلوه للفرن 
هادا شكله مين طاب 
لتحضير عجينة الكليكوز
غادين نحتاجو نصف بكية شكلاط ابيض من النوع الممتاز نوضعوه فكاسرول  يذوب على طريقة حمام مريم 


مين يذوب الشكلاط نضيفو ليه نصف كيلو السكر الصقيل منقوص منو كاس العنبة اللي استعملناه قبل فعجين صابلي  نضيف ليهم 2 معالق كبار لكليكوز

نخلط الكل حتى نحصل على عجين لين نوضعوه فبلاستيكة ندخلوه للثلاجة يبات ليلة كاملة 
من بعد ما نجبدوه من الثلاجة نقسمو منو شوية نطلقوه بيدينا الى كان لحال سخون دغيا تيتطلق الى جاكم قصاح وضعوه فكاسرول على طريقة حمام مريم غي يتطلق شوية بداو تخدموه بيديكم حتى يرطاب نوضعوه بين 2 بلاستيكات او فوق سطح مرشوش بالسكر الصقيل نقطعوه بنفس المرشم اللي قطعنا بيه صابلي 
ندهن الصابلي بالعسل 
نلصقو فوقو عجين الشكلاط
ناخد من العجين نلونها باللون الوردي (بودرة) بواسطة مرشم نقطع نجمات
نلصق النجمة بشوية العسل نوضعو وسطها عقيقة فضية ندهنها بشوية بريو 
ثم نقدمه
بالصحة و الراحة

Published by mouna ben

Partager cet article

Repost 0
Pour être informé des derniers articles, inscrivez vous :

commentaires

Anonymous 10/10/2013 10:23

شكرا بزاف ودائما متالقة ومبدعة بوصفاتك الجميلة

mouna ben 10/10/2013 02:04

الدور لكليكوز هو اللي تيرطب عجين الشكلاط
مرحبا

Anonymous 09/10/2013 13:43

اشنو الدور ديال الكليكوز فهاد الوصفة وشكرا بزاف الله يسهل عليك ويعطيك ما تمنت

mouna ben 08/10/2013 08:08

لى ماكانش عندك يمكن ليك تعوضيه بالعسل الابيض
بالصحة و الراحة

Anonymous 07/10/2013 10:17

شنو ممكن نستعملو كبديل للكليكوز

mouna ben 03/10/2013 08:03

ستعملي اللي مكتوبة فباكيتو 5 على 5 هو لمزيان

Anonymous 03/10/2013 06:07

3afak 9olilna chmn chokolat katsta3ml chmn naw3

mouna ben 30/09/2013 04:10

وعليكم السلام اختي استعملي نصف كيلو الشكلاط الابيض مين تجربيها ردي عليا لخبار بالصحة و الراحة

Anonymous 28/09/2013 16:44

salam khti chhal choklat bdabt lbakia ma3rftch chhal fiha jawbini 3afak

mouna ben 24/09/2013 02:33

ربي يخليك اختي نورتي موقعي

Anonymous 23/09/2013 07:44

bravo, bravo, bravo

Anonymous 19/09/2013 09:43

wakha akhti w merci bezzaf
allah yejazik bikhir

mouna ben 18/09/2013 02:06

الدنيا هانية اختي مرحبا انا كنت خديتو غي من عند اللي تيبيعو المواد لغذائيةدابا نحط ليكم صورتو باش تعرفيه مين تبغي تاخديه

Anonymous 17/09/2013 10:26

3afak rah 3refet wach sede3tek wa lakine brit ri ne3ref wach taytba3f marjane el klikoze
w 3afak kifache al 3assal al abiad
merci w samhi liya bezzaf

mouna ben 17/09/2013 09:00

وعليكم السلام اختي راني جاوبت الاخت ام هاجر على هاد السؤال نيت
بالنسبة ساشي نيدو عبري كاس قريب لعمارة( لعبار بكاس العنبة) و عسل لكليكوز هو نوع من السكر تيتباع فطاسة بحال الناباج الى ماكانش عندك يمكن ليك تعوضيه بالعسل الابيض
بالصحة و الراحة

Anonymous 17/09/2013 07:44

salam akhti allah ye3tik assaha
3afak akhti sachet dyal nido chhal mn gramme w 3afak el klikoze achnahowa

mouna ben 14/09/2013 02:56

الله يبارك فيك اختي فاطمة الزهراء ربي يخليك
بالنسبة ساشي نيدو عبري كاس قريب لعمارة( لعبار بكاس العنبة) و عسل لكليكوز هو نوع من السكر تيتباع فطاسة بحال الناباج الى ماكانش عندك يمكن ليك تعوضيه بالعسل الابيض تهلاي فراسك اختي بوسي ليا هاجر

أم هاجر 13/09/2013 10:55

تبارك الله عليك أختي منى، غير بغيت نسولك هادك الساشي دنيدو شحال فيه تقريبا حيث هنا عندنا غير الحك الكبير ، وحاجة أخرى أشناهو الكليكوز ؟ واش يمكن نستغنى عليه ؟ وشكرا بزاف على الوصفة والله يخلي ليك دوك اليديات

motherdouae.overblog.com

motherdouae.overblog.com

"motherdouae"

Articles récents

Hébergé par Overblog