غريبة بكاوكاو و الزنجلان

7 Janvier 2014

السلام عليكم ورحمة الله تعالى وبركاته

حاجتنا نصف رابعة الزبدة كاس كاوكاو محمر مقشر مطحون كاس الزنجلان محمر ومطحون كاس قريب لعمارة سنيدة ربع كاس الزيت (لعبار بكاس العنبة) معلقة صغيرة خميرة الحلوى

نوضعو جميع المقادير فقصعة

ونبداو نضيفو الدقيق شوية بشوية

حتى يتجمع العجين

نعملو من العجين كراة نوضعوهم فطاوة مفرشة بورق المطبخ او مدهونة بالزبدة مرشوشة بالدقيق
ندخلو الطاوة للفرن يكون سخون من قبل نوضعوها لتحت نقصو لعافية مين تشق نطلعوها لفوق تكمل طيابها

هذا شكلها مين طابت نخليوها حتى تبرد مزيان

نفندوها فالسكر الصقيل
ونقدمها

بالصحة و الراحة