طارطة رائعة بلكريم فريش وكلاصاج الشكلاط

السلام عليكم ورحمة الله تعالى وبركاته

نحتاج ل 2 جنواز وحدة باللون البني و الثانية بيضاء بالنسبة للجنواز

البنية نحتاج3 بيضات كاس فورص ماعامرش نفس لعبار سنيدة معلقة كبيرة

زيت ساشي كاكاو ساشي فاني خمارة

نفصل ابيض البيض عن الاصفر نطرب ابيض البيض مع نصف كمية

سنيدة حتى يولي بحال الثلج نحتفظ به جانبا

نطرب اصفر البيض مع الكمية المتبقية سنيدة نضيف معلقة زيت فاني

ثم نضيف كاكاو مع خمارة و الدقيق

في الاخير نضيف ابيض البيض ثم نحرك بملعقة خشبية من الاسفل

الاعلى

ثم نغلف المول ببابيي سولفغيزي نكب الخليط ندخله الفرن

هدا شكلها مين طابت

مقاديرالجنواز البيضاء نحتاج : 3 بيضات معلقة صغيرة بودرة قشور

ليمون خمارة معلقة كبيرة زيت كاس ماعامرش فورص نفس لعبار

سنيدة

نفس طريقة لجنواز بلكاكاو نوضعو الخليط فمول مفرش ببابيي

سولفغيزي ندخلوه لفرن يكون سخون من قبل نقصو العافية

هدا شكل الجنواز مين طابت

هادو الجنوازات دياولنا من بعد ما بردو مزيان

نقسم الجنواز البيضاء على 2 نضع النصف فطبق نسقيه بالسيرو اللي

سبق لينا وجدناه من قبل كاس الماء نضيف ليه كاس قريب لعمارة

سنيدة عصير نص حامضة نوضعوهم فوق النار حتى يغلاو

ثم ندهن لجنواز بلكريم فريش من بعد ما طربناه ونضع قطع الانناص

المعلب

ثم نضع فوقها قطعة من جنواز لكاكاو بعد ما قسمناها على 2 نسقيها بالسيرو ثم نضع لكريم

ونضع فالوسط قطع الانناص بلا منوصلوهم الجوانب

نضع نصف الجنواز المتبقية فوق الجنواز الكاكاو نحاولو نقطعوها

بلموس شكل دائرة اصغر

ثم نضع دائرة بيضاء نسقيها بالسيرو نضع فوقها قطع الانناص

ثم نضع دائرة لجنواز لكاكاو نفس الطريقة نوضعو قطع الانناص

الوسط نوضعم فوقها بقايا الجنواز البيضاء نلويهم باش يعطيونا دائرة

اصغر نسقيها بالسيرو ثم نضع قطع الانناص

• ثم نضع بقايا لجنواز الكاكاو نفس الطريقة

ثم نغطي الطارطة بلكامل بلكريم فريش ندخلوها للثلاجة تبرد مزيان

بالنسبة لكلاصاج نحتاج 6 اوراق لجيلاتين 300 غ سنيدة 240 مل

ماء 125 غ شكلاط اسود 150 غ بودرة كاكاو نرطب الجيلاتين

فلماء بارد ناخد الماء سنيدة نوضعوهم فوق النار حتى يغليو نضيف

ليهم الشكلاط حتى يذوب ثم نعصر اوراق الجيلاتين نضيفهم للخليط

مين يذوبو نحيدو الكاسرول من فوق النار ثم نضيف الكاكاو نخلط

مزيان نخليوه حتى يدفا لكلاصاج نكبوه فوق لاطارط

نزين جوانب لاطارط باللوز ايفيلي كيفما موضح فالصورة

بالنسبة للوريدات استعملت عجينة السكر اللي غادين نحتاجو فيها ورقة

ونص جيلاتين نوضعوهم فكاسرول نضيف ليهم 3 معالق كبار الماء

مين يرطابو نضيف ليهم معلقة كبيرة لعسل معلقة صغيرة زبدة

نوضعوهم فوق النار حتى دوب الزبدة و لجيلاتين

نحيدوهم من فوق النار ونضيف ليهم سكر كلاصي من النوع الممتاز

شوية بشوية حتى نحصلو على عجين السكر

نلونهم حسب الرغبة

بالنسبة الوريدات نطلقالعجين بالمدلك بين 2 بلاستيكات نقطعه بمرشم

دائري مشنف نوضعو 6 دوائر وحدة بيضاء واحدة بنية كيفما موضح

فالصورة نلوي الدوائر

هدا شكل الوردة

نزين الطارطة بورود عجين السكر و بالشكلاط الاسود

وتقدم

بالصحة و الراحة