سردين رائع بصلصة الطماطم المركزة

22 Mars 2013

السلام عليكم ورحمة الله تعالى و بركاته

ناخدو السردين من بعد ما غسلناه مزيان نحيدو ليه السلسول نوضعوه فسوبيرة نضيف ليه عصير الحامض مع شوية الملح نغطي عليه ندخلوه للثلاجة ليلة كاملة

من بعد ناخدو كل سردينة نطويها على 2 نستفوهم فلكوكوط نوضعو فوقهم 3 وريقات موسى

ثم نضيف ليهم كاس لعنبة الماء دافي مذوبة فيه معلقة كبيرة مطيشة لحك شوية ملح ابزار تحميرة

ثم نضيف في الاخير ربع كاس زيت لعود مع فليفلة حارة

نسدو عليه لكوكوط مين تبدا تصفر نحسبو 25 دقيقة هذا شكله مين طاب ( الى كانت كمية كثيرة ضاعفو المقادير)

ثم يقدم

بالصحة و الراحة