حلوة لبليغة وحلوة السبولة

5 Mars 2013

السلام عليكم ورحمة الله تعالى و بركاته

مقادير عقدة اللوز و العجين في الرابط

http://oumdouae.blogspot.com/2013/03/blog-post_246.html

نطلقو العجين نوضعو فالجانب حربل من عقدة اللوز ثم نلوي العجين

و شكل لبليغة الصور توضح

نحاولو نقادو شكل لبيغة نوضعو لوسط حبة قرنفل ثم ننقشها من

الجوانب بلمنقاش

الشكل الثاني حلوة السبولة نلون العجين باللون الاخضر نقطع بالجرارة

شرائط نرش المرشم بالدقيق ثم نوضعو الريط الاخضر كيفما موضح

فالصورة

ثم نوضعو فوقو دائرة من العجين الابيض نضغطو عليها مزيان

ثم حربل صغير من عقدة اللوز

ثم نجمع الجوانب نضغط عليها مزيان باش تاخد شكل مرشم

نقلبوها غادين نحصلو على سبولة

نستف الحلوى فمول مرشوش بالدقيق نخليوها ليلة كاملة من بعد ما

نبغيو ندخلوها لفرن نتقبو السبولة من لتحت بالابرة 4 تقبات باش

متنفخش ندخلو العجين لفرن يكون سخون من قبل نقصو العافية مين

طيب نغمسوها فالناباج مخلط مع العسل بعد ما دفيناهم شوية

نوضعوهم فكويغطات ونقدموهم فطبق

بالصحة و الراحة