صلصة رائعة

4 Mars 2013

ا لسلام عليكم و رحمة الله تعالى و بركاته

هاد الصلصة انا متاكدة اللي غاديا تجربها غادا تعجبها يمكن

ليكم تقدموها مع السمك مقلي او مشوي مع اللحم مبخر او

قطبان اوصوص فالبيتزا وحتى فالعجائن مممممممممممم بلا

منطول عليكم ديرو فكوكوط 2 ماطيشات كبار مقسومين على 2

محيدين ليهم نباتة بزريعتهم و قشورهم 2 فلفلات حلوين

منقيين من زريعة مقطعين بصلة صغيرة مقطعة 3 ضروس ثوم

ربيع مقطع زيت لعود تقريبا نص كاس صغير شوية تحميرة ابزار

كمون ملح شوية هريسة اللي تتعجبو ورقات موسى نص كاس

الماء نسد على الكل مين تبدا تصفر الكوكوط نحسبو ليهم 10

دقائق او نطفيو عليها

من بعد ما تبرد شوية نطحنوها فطحانة مطيشة يمكن ليكم

تزيدو ليها من بعد شوية مطيشة الحك نديروها فوق النار حتى

تعقاد وتقدم

بالصحة و الراحة