سمك الشرغو بصلصة الطماطم واللوز ايفيلي

6 Mars 2013

السلام عليكم ورحمة الله تعالى وبركاته

اولا نوجدو شرمولة الحوت ربيع ثوم مدقوقين شوية زيت لعود ملح

تحميرة كمون ضامة لبنة لحوت شوية ابزار عصير حامضة نخلط

الكل نشرمل الحوتة مزيان من الداخل ومن برة

نغلفو لحوتة فلبلاستيك الغذائي ندخلوها تبات فالثلاجة ليلة كاملة

من بعد نوجدو صوص مطيشة نحكو مطيشة لقياس لكافي نوضعوها

فمقلة نضيف ليها ربيع ثوم مدقوقين شوية ملح كمون ابزار شوية

زيت لعود نص ضامة لبنة لحوت شوية تحميرة معلقة مطيشة لحك

نغطي عليها حتى تعقاد نوضعوها فمول اللي تيدخل لفرن

نوضعو فوقها الحوتة و فالجوانب مطيشة منقية مقطعة دوائر نوضعو

فوقها شوية شرمولة نغطي عليهم بورق الالمنيوم ندخل لمول لفران

نقصو لعافية باش طيب على خاطرها

فالتزيين ناخدو لوز ايفيلي نوضعوه فلمقلة مع شوي زيت لعود نضيف

ليه شوية ملح ابزار مين يبدا يصفار نضيف ليه ربيع مقطع نخلط لكل

نطفيو عليه مين طيب لحوتة نرشه من فوقها وتقدم

بالصحة و الراحة