طاجين اللحم بالخضر

6 Mars 2013

السلام عليكم ورحمة الله تعالى وبركاته

اولا ناخد اللحم نوضعوه فطاجين نضيف ليه بصلة مقطعة مربعات

شوية زيت لعود نوضعوهم فوق نار مهيلة

من بعد ما يتقلي اللحم مزيان نضيف جوانبه خيزو دوائر نكونو ضفنا

ليه شوية شرمولة اللي فيها ربيع ثوم مدقوقين شوية كمون

ملح تحميرة ابزار سكين جبير خرقوم شوية زعفران شوية زيت لعود

فوق خيزو نضع دوائر بطاطا حتا هي مخلطة بشوية شرمولة

فوقها قرعة خضرا دوائر

ثم دوائر لفلفلة مخلطة بشرمولة نضيف شوية لما نغطي الطاجين

نخليو لخضرة طيب على نار مهيلة

من بعد ساعة اللا ربع نضيف دوائر مطيشة نوضعو فوقها شوية

شرمولة حيت دغيا تطيب وباش لما ديالها ميقصحش لخضرة فالاول

مين طيب لخضرة نزينها من فوق بالزيتون الاحمر ويقدم

بالصحة و الراحة