السلام عليكم و رحمة الله تعالى و بركاته
نديرو الشعرية فقصرية ندهنوها بشوية الزيت باش متلصقش
نديروها فلكسكاس نديروها تفور تفويرة الاولى
من بعد ما تفورنوضعو لكسكاس فوق شي سوبيرة نكب عليها
الماء طايب و نولي نرجع عليها الماء نفسو نخليها تسقطر
نقلبها فقصرية ندهنها بالزيت
نرجعها للكسكاس تفور التفويرة 2
مين تفورنفس الطريقة الاولى نوضع لكسكاس فوق شي
سوبيرة نكب عليها الماء طايب او فنفس الوقت نكب عليها الماء
بارد عكس المرة الاولى
نقلبها فقصرية نضيف ليها شوية زبدة و الملح
نفكوها مزيان
نرطب شوية الزبيب فالماء من بعد نديروه فقاع الكسكاس
نديرو الشعرية فوقو تفور المرة الثالثة و الاخيرة
لتحضير المرق ناخد طريفات لحم الضلعىة نشلظ عليه بصلة ملح
ابزار سكين جبير اخرقوم شوية تحميرة زعفران ربيع مقطع نص
كاس صغير زيت المائدة
نديرو الكل يتقلى فوق نار مهيلة من بعد ما يتقلى نضيف ليه
بصلة شرائح كاس كبير الماء نسد الكوكوط
مين يطيب اللحم نحيد منو لعضيمات
و نزيد المرق عويدات القرفة و معلقة و نص العسل
مين تفور الشعرية التفويرة 3 نقلبوها فقصرية نخلطها مع الزبيب
نقسمها على 2
فطبق نوضعو النصف الاول الشعرية
فوقها لمريقة اللي عقدات لينا مع اللحم
ثم نوضعو فوقها النصف 2 الشعرية اللي بقات
التزيين : برقوق معسل و مقطع بالطول ثمر لوز ايفيلي
ثم تقدم
بالصحة و الراحة
/image%2F0244790%2F2014%2F02%2F17%2Fob_47a692_sam-0270.JPG)
/image%2F0244790%2F2014%2F02%2F14%2Fob_89e0ef_dscn6508.JPG)
/image%2F0244790%2F2014%2F02%2F12%2Fob_ca5bff_sam-0237.JPG)
/image%2F0244790%2F2014%2F02%2F12%2Fob_734ec4_dscn6386.JPG)