طبق الاخطبوط اللذيذ

6 Mars 2013

السلام عليكم و رحمة الله تعالى و بركاته

اولا نشدو الاخطبوط نديروه فشي بلاستيكة كبيرة و نبداو

نخبطوه بدلاك او شي عصا بحال اللي تنخبطو لاللة مولاتي

الهيدورة هههه باش العروق اللي فرجيلاتو يموتو ههههههه ]و

يجي طايب مزيان ميبقاش قاصح من بعد نديروه فكوكوط او لا

برمة نكبو عليه الماء طايب نخليوه يتصلق مزيان من بعد ما

يتصلق و يبرد عليه الماء نفسخو ليه الجلدة ديالو و يتنقى مزيان

و يتقطع طريفات صغار كيفما موضح فالصورة

من بعد نوضعوه فكوكوط نضيف ليه ربيع مع ثوم مدقوقين

وريقات موسى مطيشة لقياس اخطبوط محكوكين تحميرة ملح

كمون شوية ابزار هريسة اللي تيبغي الحار نص كاس مخلط

بين زيت المائدة و زيت العود [

نخليوه يتقلى مزيان من بعد نمرقو بالماء الكافي نسد عليه

الكوكوط ملي نحسو بيه طاب نحلو عليه الى كانت باقا فيه

لمرقة نخليوه فوق لبوطة حتى تعقاد او نزينوه بطريف الحامض

او وريقات موسى

بالصحة و الراحة