دنجال معمر بطريفات اللحم

11 Mars 2013

السلام عليكم و رحمة الله تعالى و بركاته

ناخدو الدنجال نقسموه على 2 نديروه يتصلق فماء مملح

من بعد ما يتصفى نحاولو غير بشوية نحيدو ليه اللب ديالو

بمعلقة و نحتافظو بالقشرة

فمقلاة نشلظو بصلة مع ورقات موسى زيت العود من تذبال

نضيف ليها اللحم مقطع طريفات صغار يمكن ليكم تعوضوه

بقشيوشات الدجاج او كفتة او لاداند او صدر الدجاج

مين يتشحرو مزيان نضيف ليهم معلقة كبيرة مطيشة الحك ربيع

مقطع ملح كمون شوية ابزار سكين جبير خرقوم 2 فصوص ثوم

محكوكين نخلط الكل نغطي عليه

مين يطيب الخليط نعمرو قشور الدنجال نوضعوهم فطاوة

ندخلوهم لفران مدة 10 دقايق

من بعد نحكو فوقهم فروماج احمرنوليو ندخلوهم لفران غي

يذوب لفرماج نخرجوهم بالنسبة اللي ممتوفرش عندو فروماج

يطرب البيض مع شوية ملح ابزار و يكب فوق كل نص دنجالة

شوية و يرجعو يطيبو مرة اخرى فالفرن غي يجمد البيض

نخرجوهم

نقدمهم فطبق انا رافقتهم مع الحوت

بالصحة و الراحة