سمك الشرغو فالفرن بطريقة رائعة

السلام عليكم ورحمة الله تعالى وبركاته

حاجتنا لسمك الشرغو مغسول مفلح من لفوق او من لتحت بلموس باش دخلو شرمولة نص كاس الروز كلاصي مصلوق ومسقطر نوضعوه فزلافة نضيف ليه ربع حامضة مصيرة مقطعة طريفات صغار شوية زيتون مقطع معلقة كبيرة مطيشة لحك شرمولة الحوت ( ربيع وثوم مدقوقين نضيف ليهم عصير حامضة 3 معالق كبار زيت لعود شوية ملح نص ضامة لبنة لحوت شوية ابزار سكين جبير خرقوم كمون ) ونحتافظو بباقي شرمولة نضيف ليها معلقة صغيرة مطيشة لحك

فمول اللي تيدخل لفرن نوضعو دوائر خيزو يكونو رقاق شوية فوقهم دوائر بطاطا

فوقهم فلفلة دوائر ونعمرو لحوتة بخليط الروز

وشرمولة نصفها نشرملو بيها لحوتة مزيان

نزين لحوتة بلفلفل احمر و اخضر ودوائر مطيشة نضيف لشرمولة اللي بقات شوية الماء ونكبوها فوق لخضرة نضيفو فلفلة حارة وريقات موسى نكبو من فوق شوية زيت لعود نغطي لمول بورق الالمنيوم ندخلوه لفرن

هذا شكلها مين طابت نزينها بالحامض و الزيتون الاخضر وتقدم

بالصحة و الراحة