الخضر مشرملة فالفرن مع طريفات اللحم

السلام عليكم ورحمة الله تعالى وبركاته

فمقلاة نقطع بصلة شرائح نضيف ليها شوية زيت لعود نوضعوها فوق النار مين تذبال نضيف ليها طريفات اللحم

مين يطيب اللحم نضيف في الاخير شوية ملح ابزار نحرك الكل 5 دقايق ثم نزيل لمقلاة من فوق النار

حاجتنا 2 بطاطات 2 خيزوات شفلور لقياس الكافي الكل مصلوقين حبة مطيشة منقية شرمولة ( ربيع ثوم مدقوقين شوية زيت لعود عصير حامضة صغيرة معلقة كبيرة مطيشة لحك شوية ملح ابزار كمون سكين جبير خرقوم تحميرة ) شوية زيتون اسود اخضر ثم خليط البصلة مع اللحم

فمول اللي تيدخل لفرن نوضعو دوائر خيزو فوقو شوية شرمولة فوقو خليط البصلة مع اللحم

ثم نوضعو دوائر بطاطا فوقها شوية شرمولة نوضعو فوقها البصلة مع اللحم

ثم نوضعو الشفلور مع مطيشة دوائر وشرمولة اللي بقات لينا نضيف ليها شوية الماء نكبوها فوق الخضرة نرش من فوق الزيتون مع وريقات موسى نضيف من فوق شوية زيت لعود نغطيو لمول بورق الالمنيوم ندخلوه لفرن

ثم يقدم

بالصحة و الراحة