نوكا كلاصي بطريقة سهلة

13/06/2013 12:27

السلام عليكم ورحمة الله تعالى وبركاته

حاجتنا بياض بيضة وحدة ياغورت بيرلي كاس كريم فريش فكاسرول وضعت نص كاس لعسل ربع كاس سنيدة ربع كاس الماء معيلقة ماء الزهر

نطربو لكريم فريش نوضعوها على جنب
نوضعو لكاسرول فوق النار حتى يغلي العسل ويولي لونو ذهبي نحيدوه من فوق النار
نطربو بياض البيض حتى يولي بحال الثلج ونضيفو ليه خليط لعسل وهو مازل سخون وحنا هازين يدينا لفوق تنكبو غي بشوية مع التطراب حتى نساليو (بهاد الطريقة تيتعقم بياض البيض )

فسوبيرة نخلط جميع المكونات نضيف ليهم ياغورت بيرلي (بملعقة خشببية من الاسفل الاعلى ) نوضعو لكريمة جانبا

فمقلة نوضعو شوية اللوز يتحمر من بعد نضيف ليه معلقة كبيرة ونص سنيدة مع التحراك

مين ذوب سنيدة نحيدو اللوز نوضعوه فوق ورق الالمنيوم نخليوه يبرد مزيان من بعد نهرمشوه

نضيفه للكريمة مع شوية الزبيب فروي كونفيي كركاع مهرمش كل واحد حسب الرغبة نخلط الكل

نضع لكريمة فمول السيليكون الخاص بالماضلين لانني استعمت كمية قليلة الى كنتو غادين ديروه فمول لكيك ضاعفو المقادير
نغلفوه بلبلاستيك الغذائي وندخلوه المجمد ليلة كاملة يجمد مزيان

فالتقديم وضعت شوية كونفتير فريز فطبق وضعت فوقو النوكا كلاصي زينتها من فوق بطريف لكركاع

بالصحة و الراحة