طريقة سهلة لتحضير ورقة البسطيلة

01/06/2013 09:43

السلام عليكم ورحمة الله تعالى و بركاته

تلبية لطلب الاخوات اللي متتصدقش ليهم ورقة البسطيلة هادي طريقة جد سهلة ان شاء الله تنال رضاكم
بالنسبة للعجين بحال عجينة المسمن الدقيق شوية الملح و الماء لجمع العجين ندلكوها مزيان حتى ترطاب نشكلوها كرات صغار نوضعوهم فبلاطو ندهنوهم بشوية الزيت نغطيو عليهم يرتاحو مزيان

نطلق الكرة الاولى بشوية الزيت حتى تولي رقيقة

نوضعوها فمقلاة تكون سخونة من قبل (لمقلاة تكون مقلوبة نخبزو على ضهرها ) تصهد على 2 جهات نحيدوها من فوق لعافية نوضعوها فطبق ندهنو وجهها بشوية الزيت نغطيوها ببلاستيكة نفس العملية لباقي الكراة

من بعد نقطعو العحينة الغليظة من الجوانب بالمقص كيفما موضح فالصورة وها الورقة ديالنا واجدة بطريقة سهلة

بالصحة و الراحة