نطلقو العجين بين 2 بلاستيكات وتقطع بمرشم حسب الرغبة نستفو الصابلي فطاوة ندخلوه للفرن
هادا شكله مين طاب
لتحضير عجينة الكليكوز غادين نحتاجو نصف بكية شكلاط ابيض من النوع الممتاز نوضعوه فكاسرول يذوب على طريقة حمام مريم
مين يذوب الشكلاط نضيفو ليه نصف كيلو السكر الصقيل منقوص منو كاس العنبة اللي استعملناه قبل فعجين صابلي نضيف ليهم 2 معالق كبار لكليكوز
نخلط الكل حتى نحصل على عجين لين نوضعوه فبلاستيكة ندخلوه للثلاجة يبات ليلة كاملة
من بعد ما نجبدوه من الثلاجة نقسمو منو شوية نطلقوه بيدينا الى كان لحال سخون دغيا تيتطلق الى جاكم قصاح وضعوه فكاسرول على طريقة حمام مريم غي يتطلق شوية بداو تخدموه بيديكم حتى يرطاب نوضعوه بين 2 بلاستيكات او فوق سطح مرشوش بالسكر الصقيل نقطعوه بنفس المرشم اللي قطعنا بيه صابلي
ندهن الصابلي بالعسل
نلصقو فوقو عجين الشكلاط
ناخد من العجين نلونها باللون الوردي (بودرة) بواسطة مرشم نقطع نجمات
تبارك الله عليك أختي منى، غير بغيت نسولك هادك الساشي دنيدو شحال فيه تقريبا حيث هنا عندنا غير الحك الكبير ، وحاجة أخرى أشناهو الكليكوز ؟ واش يمكن نستغنى عليه ؟ وشكرا بزاف على الوصفة والله يخلي ليك دوك اليديات
وعليكم السلام اختي راني جاوبت الاخت ام هاجر على هاد السؤال نيت<br />بالنسبة ساشي نيدو عبري كاس قريب لعمارة( لعبار بكاس العنبة) و عسل لكليكوز هو نوع من السكر تيتباع فطاسة بحال الناباج الى ماكانش عندك يمكن ليك تعوضيه بالعسل الابيض<br />بالصحة و الراحة
3afak rah 3refet wach sede3tek wa lakine brit ri ne3ref wach taytba3f marjane el klikoze<br />w 3afak kifache al 3assal al abiad<br />merci w samhi liya bezzaf
/image%2F0244790%2F2014%2F02%2F17%2Fob_47a692_sam-0270.JPG)
/image%2F0244790%2F2014%2F02%2F14%2Fob_89e0ef_dscn6508.JPG)
/image%2F0244790%2F2014%2F02%2F12%2Fob_ca5bff_sam-0237.JPG)
/image%2F0244790%2F2014%2F02%2F12%2Fob_734ec4_dscn6386.JPG)