طريقتي في ترقاد الزيتون الاخضر

16 Janvier 2014

السلام عليكم ورحمة الله تعالى وبركاته

ناخدو كل حبة زيتون و وتنضربوها بحجيرة او يد لمهراز حتى تشق حتى نساليو الكمية اللي عندنا

من بعد نوضعو الزيتون فبيدو ونسدو عليه مزيان وكل نهار نبدلو عليه الماء باش متبقاش فيه لمرورة ودغيا يوجد

هنا قسمت الزيتون على 2
نقيت لفت وخيزو وقطعتهم على هاد الشكل و قطعت فوقهم 2 حامضات كبار وعصرت عليهم 2 حامضات + الملح القياس الكافي نخلط الكل

ضفت ليهم القسم الاول الزيتون

عملتهم فلاطة صغيرة غطيتهم بالماء وسديت عليهم مزيان

الكميية الثانية وضعتها فصفاية تسقطرات مزيان من الماء
من بعد وضعتها فسوبيرة ضفت ليها 5 فصوص الثوم محكوكين فلفلة حارة+الملح لقياس الكافي شوية كمون 2 حامضات مصيرين مقطعين نخلط الكل

نضيف ليهم فالاخير زيت العود
مين يرقد الزيتون ونذوقوه لقاوه رجع مالح دخلاتو لحموضة

نقدموه على هاد الشكل

بالصحة و الراحة