صابلي طبقات بشكل جديد

13 Novembre 2012

السلام عليكم و رحمة الله تعالى و بركاته

مقادير العجين نحتاج فيها نص رابعة زبدة نص كاس عنبة سنيدة 3 اصفر البيض معلقة صغيرة خمارة الحلوى فاني الدقيق حسب الخليط لعمارة نحتاج فيها 2 معالق كبار كونفتير جاري 3 بياض البيض كاس عنبة سكر الصقيل كاس كوك علبة فواكه معسلة شوية لوز ايفيلي شوية زبيب مقطع رقيق فاني

نخلط مقادير العجين حتى نحصلو على عجينة رطبة

نبسط العجين فطاوة مغلفة بورق سولفغيزي او ورق الامنيوم مدهون بالزبدة و مرشوش بالطحين ندهنو العجينة بلكونفتير تم نرش من فوق الفواكة المعسلة و الزبيب

ثم نطربو ابيض البيض مع سكر كلاصي و الفاني و الكوك نكبه فوق العجين ثم نرش من فوق اللوز ايفيلي ندخلها الفرن نقصو عليها العافية حتى طيب على خاطرها

من طيب نرشها من فوق بالسكر كلاصي

ثم نقطعها مربعات ونديروها فكويغطات

بالصحة و الراحة