كيك بقشور ليمون معسلين

23 Novembre 2012

السلام عليكم و رحمة الله تعالى و بركاته

مقادير الكيك نحتاج 3 بيضات 2 معالق و نص خميرة الحلوى او 2 ساشيات دانون فاني قشور ليمون معسلين مقطعين رقاق شوية فواكه معسلة كاس سنيدة كاس زيت 2 كيسان و ربع فورص لعبار بكاس عنبة

نخلط البيض سنيدة زيت دانون نضيف الفواكه المعسلة مع قشور ليمون و الطحين مع الفاني ندهن مول بالزبدة نرشه بلفورص نكب الخليط ندخله الفرن نكونو مشعلين عليه من قبل نقصو العافية مين نبدا نشم ريحة الكيك نعرفوها قربات طيب تتاخد الوقت ساعة اللا ربع

مين طيب ندهنها بلكونفتير نرشها بلكوك نقطعها معينات و تقدم

بالصحة و الراحة