طارطة مذاق ومنظر

السلام عليكم ورحمة الله تعالى و بركاته

لتحضير الجنواز نحتاج : 6 بيضات 2 كيسان عنبة معامرينش سنيدة

نفس لقياس لفورص معلقة صغيرة خميرة الحلوى قشور حامضة

نفصل بياض البيض عن الاصفر نطربه مع نصف كمية سنيدة حتى

يولي الخليط بحال الثلج نخليوه على جنب

نطرب اصفر البيض مع الكمية المتبقية سنيدة وقشور الحامض من بعد

ثم نكمل التطراب غي بيدينا

ثم نضيف الدقيق مع الخمارة

ثم نضيف ابيض البيض نخلط بمعلقة خشبية من الاسفل الاعلى

ثم نكب الخليط فمول مغلف ببابيي سولفغيزي ندخل لمول لفرن يكون سخون من قبل نقصو لعافية

مين طيب الجنواز نوضعوها فبلاطو مفرش بشي منديل نخليوها حتى

تبرد مزيان

بالنسبة للتزيين ناخدو الشكلاط الاسود نذوبوه على طريقة حمام مريم

مع شوية زيت ناخدو بلاستيكة تكون غليظة شوية نقطع منها دوائر

متساوية نبسط فوق كل دائرة الشكلاط نوضعوهم فوق بلاطو مفرش

بلبلاستيك نخليوهم حتى يجمدو و ناخدو بلاطو صغير نفرشو فوقو

بابيي سولفغيزي نطلقو فوقو الشكلاط الاسود نخليوه يجمد

هدا شكلهم مين جمدو

نقسم الجنواز على 3 نسقيها بالسيرو كاس الماء نص كاس سنيدة 3

معالق كبار كونفتير جاري نوضعوهم فوق النار حتى يغليو مين يبرد

نسقي به الجنواز

نوضعو فوقها طبقة كريم فريش بعد ما طربناها مزيان ثم نرش من

فوق بقطع كيوي ولفريز

ثم نضع الطبقة الثانية الجنواز نسقيها نبسط فوقها لكريم

ثم نضع قطع لكيوي ولفريز

ثم الطبقة الثالثة نسقيها ثم نغطي الطرطة بلكريم

هدا شكلها من الجانب

بالنسبة لوريدات ناخد عجين اللوز نضيف له ملون احمر نطلقه بين 2

بلاستيكات

نقطعه دوائر ثم نشكل الوردة كيف موضح فالصورة

بالنسبة الاوراق ناخد عجين اللوز نضيف ليه ملون اخضر نطلقه بين

لبلاستيك ثم نقطه بلقطاعة شكل ورقة

فالتزين نضع دوائر الشكلاط فجوانب الجنواز ثم الوريدات مع

الاوراق ناخد شوية من كريم فريش نضيف ليه كا كاو نخرجه

الجيب الحلواني ليعطينا شكل وريدات ندخل الطارطة للثلاجة تبرد

مزيان

ناخدو ورقة الجيلاتين نوضعوها فايناء نكبو عليها الماء بارد باش

تطلق نوضعو فكاسرول شوية الماء مع سنيدة مين يغلي و ترطاب

ورقة الجيلاتين نضيفها لسيرو نطفيو عليهم حتى يدفاو نكبهم فوق

لكريم يكون حتى هو برد مزيان باش تعطي لمعان للطارطة

ثم نكمل التزيين بالشكلاط اللي جمد ونزين بالبسكوي سيكار وتقدم

هادي كنت وجدتها من قبل درتها فمول شكل قلب تقريبا نفس الديكور

بالصحة و الراحة