سمك الشرغو بصلصة رائعة مزين بدوائر الدنجال المقلي

1 Mars 2013

السلام عليكم ورحمة الله تعالى و بركاته

لتحضير الصلصة نحتاج : 2 مطيشات منقيين مقطعين فلفلة خضرة مقطعة مربعات بصلة صغيرة مقطعة مربعات ربيع مقطع 3 فصوص الثوم نطحن لكل فمولينيكس مع شوية الماء منكتروش باش تبقا لينا الصلصة عاقدة

من بعد نضيف ليها عصر حامضة صغيرة معلقة كبيرة مطيشة لحك نص ضامة لبنة لحوت شوية ملح ابزار خرقوم زعفران تحميرة كمون سكين جبير شوية زيت لعود

نخلط الكل مزيان

هاد الصلصة نحاولو نشرملو بيها الحوتة مزيان و اللي بقا لينا نكبوه فجنابها نوضعوفوقها شوية زيت لعود وريقات موسى نغطيوها بورق الالمنيوم ندخلوها لفرن

مين طيب نزينها بدوائر الدنجال المقلي وتقدم

بالصحة و الراحة