رفيسة بلمسمن

6 Mars 2013

السلام عليكم و رحمة الله تعالى و بركاته

لتحضير المرق : فكوكوط نوضعو طريفات الدجاج حسب الافراد 2

مطيشات بصلة منقيين مقطعين مربعات كبار ربيطة قزبر

ومعدنوس 6 فصوص الثوم ملح سكين جبير ابزار خرقوم شوية

زعفران نص ضامة لبنة الدجاج الى كان عندكم راس الحانوت

ديرو منو شوية نص كاس مخلط زيت بلدية و رومية

نضيف لكوكوط شوية لماء ونخلط لكل

نوضعوه فوق نار مهيلة يتقلى

من بعد نقطعو بصلة شرائح نكونو صالقين من قبل نص كاس

صغير لعدس ونحتافظو بلما ديالو حيت لعدس تيحتاج الطياب و الدجاج دغيا تيطيب شوية حب الرشاد عوضتو بلحلبة

مين يتقلى الدجاج نحيدوه من لكوكوط نوضعوه على جنب

نمرقو بلماء الكافي نضيف لعدس مع لمرق اللي تصلق فيه حب

الرشاد بصلة شرائح نوضعو الدجاج من فوق نسد لكوكوط

هدا لمسمن ديالنا بعد ما وجدناه من قبل وكيف وضحت ليكم

طريقة تحضيره

نفتتوه ونوضعوه فلكسكاس يفور ربع ساعة باش يجي ناشف

ميجيش مزيت

مين يفور نوضعوه فطبق التقديم

نسقيوه من فوق بلمريقة مع الدجاج ويرافق مع المرق ويقدم

بالصحة و الراحة