طاجين اللحم محمر مزوق بالثمر والبرقوق مذاق و منظر

6 Mars 2013

السلام عليكم و رحمة الله تعالى و بركاته

اولا ناخدو طريفات اللحم نضيفو ليهم ربيع و ثوم مدقوقين شوية

زعفران حر ملح ابزار شوية سكين جبير خرقوم زعفران بصلة

مقطعة مربعات معلقة من ليقامة لتنسيم اللحم هدا الرابط

درتهم فوق المجمر حتى تقلا اللحم مزيان و دبالت البصلة

عاد زدت شوية زيت لعود و بصلة شرائح شوية الماء غطيت عليهم حتى طاب اللحم

من بعد حيدت طريفات اللحم دهنتهم بشوية زبدة بلدية مخلطة مع تحميرة وشوية موطارد دخلتهم لفران تحمرو

فورت شوية الثمرضفت ليه شوية ماء الزهر و شوية قرفة درت منو كرات صغار فندتهم فزنجلان درت فجنابهم لوز ايفيلي

عسلت شوية لبرقوق من بعد فتحت كل برقوقة وضعت وسطها 2 لوزات مقليين وضعتها وسط عجين الثمر

ستفت اللحم المحمر فطويجين فوق لمريقة و زوقت من لفوق

بثميرات المعمرين بالبرقوق

بصحتكم و راحتكم