ليقامة لتنسيم اللحم

6 Mars 2013

السلام عليكم و رحمة الله تعالى و بركاته

هاد ليقامة تتستعمل فالقطبان مروزية كرداس قديد طاجين انا

استعملت كمية قليلة الى بغيتو كمية كثيرة دوبلو المقادير

حاجتنا لبصلة مقطعة شرائح نديروها فشي بلاطو نفرشو فيه

شي زيف او لا ورق المطبخ كل مرة نديروه فالشمس حتى

تنشف من الماء و تكرم مزيان 3 ريوس و نص ثومة مدقوقين

فلمهراز مخلطين مع نص باكية ملحة حتى هي نوضعوها

فشي بلاطو كل مرة نخرجوها لشميسة حتى تكرم من بعد ما

تكرم البصلة نشعلو لفران غي يسخن نطفي عليه و ندخلو ليه

لبصلة باش دغيا تطحن لينا

نديرو فشي طاوة حفنة زعتر مع حفنة وريقات موسى حتى

هوما يتحمرو شوية فلفران ونطحنوهم مزيان ندوزوهم فلغربال

ثم نضيف معلقة بسيبيسة معلقة قعقلة نفس لقياس قزبر

حبوب مطحون خرقوم سكين جبير ابزار

نخلط الكل فايناء

ندريهم فقريعة و نسدو عليها مزيان لحين الحاجة

بالصحة و الراحة