السلام عليكم و رحمة الله تعالى و بركاته
فكوكوط نوضعو بصلة مشلظة مع صدر الدجاج و قشيوشات
الدجاج مقطعين شوية ربيع مقطع ثوم محكوك ملح ابزار زعفران
شوية بسيبيسة قعقلة نص ضامة بنة الدجاج سكين جبير
خرقوم حامض مصير مقطع طريفات صغار نص كاس صغير الزيت
نغطي على الكل مين يتشحر نضيف كاس الماء نسد لكوكوط
مين يطيب الدجاج نحيدوه نحطوه يتسقطر على جنب او نفتتوه
طريفات صغار او المرق نضيف ليه بصلة مشلظىة
مين طيب لبصلة نضيف 2 بيضات على حسب الافراد
نخلط الكل وحنا تنحركو حتى يعقد لينا الخليط
نديروه يتصفى مزيان 4 ساعات الى كنا مستعجلين نضغطو
عليه بيدينا باش يتصفي وباش تجي لبسطيلة ناشفة
هاهي الحشوة ديالنا صبحات واجدة لوز مفسخ مقلي مهرمش
برقوق معسل مقطع مربعات صغار ثمر مصلوق فالماء او مفور
محيد ليه القشور صدر الدجاج مفتتين خليط البصل و البيض
فاطار نوضعو ورقة بسطيلة ندهن جوانبها بالدقيق مخلط مع الماء
نضع 3 ورقات وحدة بجانب الاخرى نلصق بين كل ورقة بخليط الدقيق
الطبقة الاولى نضع خليط البصل مع البيض
فوقو الدجاج
البرقوق مع الثمر
ثم اللوز مهرمش
نجمع كل ورقة على الاخرى وحنا تنصلقو بيناتهم بخليط الدقيق
نحيدو الاطار ندهن من فوق بخليط الدقيق نغطي البسطيلة
بورقة من فوق
نضع البسيطلات فطاوة مدهونة بالزبدة او مفرشة بورق
الالمنيوم دهنهم بشوية الزبدة مخلطة مع الزيت ندخلهم الفرن
من بعد 10 دقايق نحطو مقلة لخبيز او طاوة فوقهم باش
ميجيوش منفوخين و باش تجي كل ورقة شادة فبعضها
مين يطيبو ندهنهم بالعسل و نرشهم باللوز مهرمش
بالصحة و الراحة
/image%2F0244790%2F2014%2F02%2F17%2Fob_47a692_sam-0270.JPG)
/image%2F0244790%2F2014%2F02%2F14%2Fob_89e0ef_dscn6508.JPG)
/image%2F0244790%2F2014%2F02%2F12%2Fob_ca5bff_sam-0237.JPG)
/image%2F0244790%2F2014%2F02%2F12%2Fob_734ec4_dscn6386.JPG)