كراتان شرائح الدنجال معمرين ببطاطا

السلام عليكم ورحمة الله تعالى وبركاته

اولا نوجدو صلصة الطماطم
حاجتنا 3 مطيشات محكوكين ربيع مقطع 3 فصوص الثوم محكوكين معلقة صغيرة مطيشة لحك شوية ملح ابزار تحميرة كمون شوية زيت لعود نغطي على الكل

هطا شكلها مين وجدات

ناخدو 3 دنجالات نقيوهم نقطعوهم شرائح نوضعوهم فماء مملح ونقليوهم على 2 جهات فزيت سخون نوضعوهم فوق ورق النشاف

نصلقو 2 بطاطات نمعكوهم بلفورشيط نضيفو ليهم ربيع مقطع 2 فروماجات شوية طون شوية ملح ابزار كمون نخلط الكل

نوضعو فلمول اللي تيدخل لفرن نصف كمية صلصى الطماطم نحتفظ بالباقي نعملو من بطاطا صبعات صغار ونوضعو كل اصبع فوق شريحة الدنجال و نلوي نستفوهم فوق الصلصة كيف موضح فالصورة

مين نساليو

نوضعو الصلصة المحتفظ بها شكل خطيطات فوق الدنجال

نوضعو فلفة حارة لوسط نغطيو لمول بورق الالمنيوم ندخلوه لفرن

مين يطيب يزين بالزيتون الاسود ويقدم

بالصحة و الراحة