فلفلة معمرة

السلام عليكم ورحمة الله تعالى وبركاته

اولا نشلظو بصلة نوضعوها فمقلاة مع شوية زيت لعود مين تذبال نضيف ليها خيزو محكوك هبرة لحوت مقطعة ثومة محكوكة ربيع مقطع وريقات موسى شوية زعتر شوية ملح ابزار نغطي على الكل

مين يطيب الخليط نضيف ليه قطيرات عصير الحامض

من بعد نوضعوه فسوبيرة نضيف ليه روز كلاصي مصلوق قبل مع قبيصة الملح والزيتون مقطع نخلط الكل

نعمرو الفلفة بالخليط نوضعوهم فمقلاة وندخلوهم لفرن

هذا شكلهم مين طابو

ثم نقدمهم فطبق مع الحوت مقلي و لعمارة اللي بقات لينا

بالصحة و الراحة