كيفية تحضير عسل منسم بالاعشاب ممم

السلام عليكم ورحمة الله تعالى وبركاته

حاجتنا قالب سكر خنيشة اتاي ليبتون او صريرة اتاي حبوب حامضة مقطعة على 4 ربع كاس ماء الزهر فاصمة معقمة نوضعو فيها 3 حبات مسكة حرة شوية زعفران شعرة 4 حبات قرنفل شوية ازير شوية زعتر قرفة عواد

فكوكوط نضيفو لتر اللا ربع الماء نضيف ليه كل المكونات نحتفظو بالسكر جانبا نوضعوهم فوق النار

مين يغلي الماء نضيف قالب السكر مهرس نسد لكوكوط مين تصفر نحسبو نص ساعة على نار مهيلة

نوضعو شوية من لعسل فطبيسيل حتى يبرد الى بان عاقد صافي نطفيو عليه الى كان باقي جاري نوليو نرجعوه فوق النار يعقاد شوية ردو لبال ليتحرق
مين يعقاد نحيدوه من فوق لعافية نضيف ليه 2 معالق كبار ماء الزهر وهاهو واجد

هدا شكل الحامض كيف رجع

ثم نحتفظ بيه لحين الحاجة

بالصحة و الراحة و عواشركم مبروكة