رغايف فالفرن بلفروماج

30/07/2013 07:02

السلام عليكم ورحمة الله تعالى وبركاته

بالنسبة للعجين نحتاج الفورص دقيق القمح شوية خميرة الخبز شوية الملح الماء الدافي للعجن ندلكوها مزيان حتى ترطاب
هنا درت 10 كراة 5 كبار و5 صغر منهم شوية ندهنوهم بشوية الزيت نوضعوهم فبلاطو نغطيو عليهم يرتاحو

نبداو بالكراة الاصغر نطلق الكرة الاولى ندهنها من فوق بشوية الزبدة مع الزيت نرش من فوق دقيق القمح نضع مربع فروماج سندويش الوسط

ثم نطوي عليه العجين

المرة الثانية نطوي العجين مرة للاسفل مرة للاعلى نفس الطريقة لباقي لخمس كراة الاصغر

نبدا بالرغيفات الاولين نبسطوهم شوية نخبزوهم فمقلاة سخونة نقصوعليهم لعافية غي يتصهدو نحيدوهم

ثم نطلقو الكراة الاكبر ندهنوهم بشوية الزبدة مع الزيت نرشو بشوية دقيق القمح نوضعو الرغيفة المعمرة بلفروماج تكون بردات شوية

نطوي عليها العجين على 4 نفس الطريقة لباقي الكراة
نوضعوهم فطاوة ندخلوهم الفرن

ثم نقدمهم

بالصحة و الراحة