طريقتي في تحضير بطبوط صغير

السلام عليكم ورحمة الله تعالى وبركاته

حاجتنا كاس عنبة فورص كاس دقيق القمح معلقة كبيرة زيت لعود معلقة كبيرة نيدو شوية ملح شوية سنيدة معيلقة خميرة الخبز(الى بغيتو كمية اكثر ضاعفو المقادير) نجمع العجين بلماء دافي ندلكوها مزيان حتى نحصلو على عجينة رطبة نتركها ترتاح مدة نص ساعة

من بعد نشكل من العجين كرات صغارندهنوهم بشوية زيت لعود نوضعوهم فبلاطو مفرش بلبلاستيك نغطيهم نخليوهم يرتاحو

من بعد ناخدو كرة نبسطوها بشوية زيت لعود عوض الدقيق باش دغيا يتحمرو من الوجه

نوضعوهم فبلاطو و نغطي عليهم حتى يخمرو

نخبزهم فمقلاة

هذا شكلهم مين طابو

بالصحة و الراحة