ملوية فلفرن بلكوك و الشكلاط

03/08/2013 07:59

السلام عليكم ورحمة الله تعالى وبركاته

حاجتنا دقيق + دقيق القمح (لقياس الكافي) شوية الملح شوية سنيدة ساشي فاني شوية خميرة الخبز و الماء الدافي لجمع العجين ندلكوها مزيان حتى ترطاب غادين نحصلو على كرة ندهنوها بشوية الزيت نغطيو عليها ترتاح

من بعد نطلقوها حتى تولي رقيق ندهنوها من فوق بشوية الزبدة مخلطة مع الزيت و نرش من فوق بالسميدة مخلطة مع لكوك نحكو من فوق شوية الشكلاط

نقطعوها شرائط كيفما موضح فالصورة

نبداو نلويو كل شريط مين نساليوه نوضعوه فاول الشريط الثاني ثم نلوي حتى نساليو جميع الاشرطة

غادين نحصلو على ملوية ندهنو الطاوة بشوية الزبدة نوضعو فيها لملوية نغطيو عليها ترتاح مزيان

من بعد نكرصوها فطاوة نغطيو عليها مرة ثانية تخمر

ندخلوها لفران مين طيب ندهنوها من فوق بالشكلاط الاسود نرشها بلكوك

ثم تقطع مثلثاث
وتقدم

بالصحة و الراحة