خبز الفوكاشيا الايطالي

السلام عليكم ورحمة الله تعالى وبركاته

حاجتنا زلافة مخلطة دقيق ودقيق القمح شوية الملح راس معلقة صغيرة سنيدة شوية زعتر معلقة كبيرة زيت لعود معلقة كبيرة ياغورت مسوس شوية خميرة لخبز مذوبة فالماء الدافي الماء الدافي لجمع العجين

ندلكو العجينة مزيان حتى ترطاب تولي تلصق فاليدين ندهنوها بشوية زيت لعود نغطيو عليها مدة نص ساعة

من بعد نبسطوها فمول مدهون بزيت لعود نحاولو نوضعو ثقب بالاصابع فالعجين نكبو من فوق شوية زيت لعود

ثم نوضعو مطيشة صغيرة فلفلى خضرة زيتون مقطع فروماج اي نوع تفضلون نحك من فوق الزعتر نغطيو العجين حتى يخمر ندخلوه لفرن

هذا شكله مين طاب نتمنى تجربوه ان شاء الله يعجبكم

ثم يقدم

بلصحة و الراحة