شوارما الدجاج

بالنسبة للعجين استعملت كاس عنبة فورص كاس دقيق القمح معلقة كبيرة زيت لعود معلقة كبيرة نيدو شوية ملح شوية سنيدة معيلقة خميرة الخبز نجمع العجين بلماء دافي ندلكوها مزيان حتى نحصلو على عجينة رطبة نتركها ترتاح مدة نص ساعة

من بعد نشكل من العجين كرات صغارندهنوهم بشوية زيت لعود نوضعوهم فبلاطو مفرش بلبلاستيك نغطيهم نخليوهم يرتاحو

حتى يتضاعف حجمهم

من بعد ناخدو كرة نبسطوها بشوية زيت لعود عوض الدقيق باش دغيا يتحمرو من الوجه

نوضعوهم فبلاطو و نغطي عليهم حتى يخمرو

نخبزهم فمقلاة

هدا شكلهم مين طابو

بالنسبة الحشو ناخدو صدر الدجاج نقطعوه شرائح رقاق

نوجدو الصلصة شوية ملح ابزار معلقة صغيرة موطارد 2 فصوص ثوم محكوكين معلقة كبيرة خل طريف الحامض مصير مقطع رقيق شوية قعقلة 3 حبات قرنفل مدقوقين شوية من بودرة قزبر يابس شوية كوزة محكوكة

نوضعو شرائح الدجاج فالصلصة و نخلطو مزيان نضيف ليهم وريقات موسى ندخلوهم للثلاجة مدة 3 ساعات

من بعد نوضعوهم فمقلاة نضيف ليهم شوية زيت لعود نغطيو عليهم حتى يطيبو

مين يطيبو نضيف ليهم 2 فروماجات مثلثين نخلط الكل

هادي لعمارة صدر الدجاج اللي وجدنا خص شرائح مطيشة متبلة بشوية ملح زيتون مقطع رقيق

نفتح خبيزة بلموس نضع الخص فوقو مطيشة ثم الدجاج و الزيتون و يقدم فطبق

بالصحة و الراحة