بلبولة الشعير بصوص الطماطم

لتحضير بلبولة الشعير بمطيشة نحتاج صوص مطيشة انا استعملت صلصة القشور مطيشة بعد ما طيبتهم و طحنتهم و صفيهم الى ماكانوش متوفرين عندكم يمكن ليكم تقطعو مطيشة بقشورها لقياس لكافي بعد ما تحيدو ليها نباتة ديروها فكوكوط تزيدوها شوية الملح ابزار تسدو عليها نفس الطريقة صوص بالقشور بلا مضيفو الماء من بعد ما تبرد تطحن و تصفى او الى كنتو مستعجلين حكو مطيشة و استمعلوها بلا صلق صفت ليها بصلة مشلظة قزبر معدنوس و كرافس مقطعين شوية سكين جبير خرقوم ابزار زعفران شوية تحميرة ضامة البنة البقر نص كاس زيت لعود

نضيف ليهم الماء غليان القياس الكافي نديرو لكوكوط فوق النار

مين تبدى تغلى نضيف لبلبولة نسدو عليها لكوكوط مين تبدا تصفر نحسبو ثلث ساعة نطفيو عليها

ثم نضيف ليها ربيع ولكرافس مدقوقين مطيشة الحك مطلوقة فشوية الماء

و نرجعوها فوق النار حتى تبان لينا بدات تحيد رغوة مطيشة وهاهي مين طابت

ثم تقدم مرافقة للثمر او البيض مصلوق

بالصحة و الراحة