كريم كراميل

لتحضير كريم كرميل مقدار 5 قوالب صغار نحتاج : بيضة كاس قريب لعمارة نيدو كاس سنيدة كاس لماء قشور ليمونة او ساشي فاني

ناخدو نص كاس سنيدة نوضعوه فوق النار حتى يولي كرميل ونحتافطو بنصف كاس على جنب

نوضعو فكل مول شوية من لكراميل

فمولينكس نطحن نص كاس سنيدة مع كاس قريب لعمارة نيدو بيضة كاس لما

نوزع الخليط فكل مول نضع لقوالب فشي طاوة او مقلاة لخبيز نكبو فيها لماء غليان يطيبو على طريقة حمام مريم ندخلهم لفرن نكونو مشعلين عليه من قبل نقصو لعافية بحال لكيك

مين دوز ساعة اللا ربع نفتحو لفران الى لقيناهم تحمرو من وجههم نحيدوهم الى بانو لينا باقين نخليوهم يكملو الطياب وردو لبال للطاوة الى كانت نشفات من الما كبو فيها لماء غليان باش يكملو الطياب هدا شكلهم مين طابو وبردو ندخلوهم للثلاجة على الاقل 4 ساعات

فاش نبغيو نقدموهم ندوزو راس لموس فجوانب لكريم ونقلبوه فطبسيل يزين باوراق النعناع

بالصحة و الراحة