صوصيص منزلي

23 Octobre 2013

السلام عليكم ورحمة الله تعالى وبركاته

طريقتي فتحضير الصوصيص شديت لمسارن غسلتهم مزيان رقدتهم فالخل و الملح مدة 6 ساعات من بعد غسلتهم مزيان

هنا عندنا اللحم و الشحمة مطحونين ضفت ليهم توابل لكفتة ربيع مقطع زعتر محكوك ليقامة اللحم ملح ابزار تحميرة كمون هريسة

خلطت الكل

وضعت الدواز فاول المسران عمرتو بالخليط

وبديت نعمر شوية بشوية و مرة مرة تنضغط على الخليط اللي فالمسران بيدي باش ميطرطقش لمسران

هنا بديت نباعد بين الخليط اللي فالمسران باش نلقى فيه ندير لعقدة

هذا الشكل النهائي مين ساليتهم

هنا شويتهم فالشواية
ونقدمهم ليكم اخواتي

بصحتكم او راحتكم